KOCHA KIM AITA 25 TAIFA STARS

Kikosi cha Taifa Stars.

Kocha Mkuu wa Taifa Stars, Kim Poulsen leo (Mei 14 mwaka huu) ametangaza kikosi cha wachezaji 25 kwa ajili ya mechi ya mchujo ya Kombe la Dunia hatua ya makundi Kanda ya Afrika dhidi ya Ivory Coast.

Akitangaza kikosi hicho ambacho kitaingia kambini kesho kutwa (Mei 16 mwaka huu, Kim amesema uteuzi wake umezingatia uwezo wa mchezaji uwanjani, nafasi anayocheza na ubora wake.

Wachezaji walioitwa ni makipa; Juma Kaseja (Simba), Mwadini Ally (Azam) na Deogratius Munishi (Mtibwa Sugar). Mabeki ni Nassor Masoud Cholo (Simba), Aggrey Morris (Azam), Amir Maftah (Simba), Erasto Nyoni (Azam), Kelvin Yondani (Simba), Waziri Salum (Azam), Shomari Kapombe (Simba) na Juma Nyoso (Simba).

Viungo ni Mwinyi Kazimoto (Simba), Salum Abubakar (Azam), Nurdin Bakari (Yanga), Jonas Mkude (Simba), Shabani Nditi (Mtibwa Sugar), Edward Christopher (Simba- U20), Mrisho Ngasa (Azam) na Frank Domayo (JKT Ruvu- U20).

Washambuliaji ni Mbwana Samata (TP Mazembe, Jamhuri ya Kidemokrasi ya Congo), Ramadhan Singano (Simba-U20), Simon Msuva (Moro United- U20), Thomas Ulimwengu (TP Mazembe, Jamhuri ya Kidemokrasi ya Congo), Haruna Moshi (Simba) na John Bocco (Azam).

Stars inayodhaminiwa na Kampuni ya Bia Tanzania (TBL) kupitia bia ya Kilimanjaro itacheza mechi ya kirafiki nyumbani Mei 26 mwaka huu dhidi ya Malawi kabla kuivaa Ivory Coast ugenini Juni 2 mwaka huu jijini Abidjan.

 

Boniface Wambura

Ofisa Habari

Shirikisho la Mpira wa Miguu Tanzania (TFF)

Yametimia, Man City bingwa England

Raha ya ushindi

HATIMAYE Manchester City imetwaa ubingwa wa Ligi Kuu ya England ya EPL baada ya kuifunga QPR mabao 3-2 katika mchezo wa fungadimba huku Manchester United ikishinda lakini City wakijivunia idadi ya mabao ya kufunga.

Ilikuwa Jumapili nyepesi kwa City, kwani walikuwa wakicheza na timu nyepesi ya Queens Park Rangers ambao walifungwa kirahisi. Licha ya Rangers kucheza ikiwa na watu 10, ilipata mabao yake dakika za mwishoni yaliyoipa City heshima.
Ushindi huo uliacha mashabiki kutoa machozi kwa kushindwa kuaamini kilichotokea kwenye Uwanja wa  Etihad, City, iliyokuwa nyuma kwa mabao 2-1 na kushindwa kuipenya ngome ya QPR kwa dakika 51 walibadili upepo na kupata mabao hayo.
Edin Dzeko alifunga bao la kusawazisha kabla ya Sergio Aguero, alifunga na kufanya matokeo kuwa 3-2 kwa shuti la mguu wa kulia na City walianza kushangilia na Manchester kabla ya bao lingine kufungwa.
United, iliyoilaza Sunderland 1-0 na kufungana pointi na City 89, baada ya mpira kumalizika na wachezaji wa United na kocha wao walijipanga kwa ajili ya ubingwa, lakini mambo yalibadilika. Baadaye zilikuja taarifa kuwa Manchester watabakia wa pili kwa tofauti ya mabao ya kufunga na kufungwa. Matokeo mengine England:-

Wachezaji wa Man City wakishangilia na kombe lao la ubingwa wa England kutwaa juzi.

Chelsea 2-1 Blackburn
Everton 3-1 Newcastle
Norwich 2-0 Aston Villa
Stoke 2-2 Bolton
Swansea 1-0 Liverpool
Tottenham 2-0 Fulham
West Brom 2-3 Arsenal
Wigan 3-2 Wolves

Ilivyo Ligi Kuu ya England kwa sasa

Wachezaji wa Man. United

WAKATI Ligi Kuu ya England ikifikia hatua za mwisho mwisho, mambo yanazidi kuziwia ngumu timu nne, ambazo zinatishiwa na kushuka daraja.
Mpaka sasa, Wolves inashikilia mkia wa ligi hiyo ikiwa na pointi 24 baada ya mechi 36 ikifuatiwa na Blackburn yenye pointi 31.
Timu za Bolton na QPR kila moja zina pointi 34 lakini QPR iko juu ya mstari wa timu tatu zinazotishiwa na kushuka daraja. Pamoja na kujipa matumaini hayo, Aston Villa na Wigan kila moja zina pointi 37 na zinaweza kushuka chini endapo tu Blackburn, Bolton na QPR zitashinda mechi zake na zenyewe kuharibu.
Wakati timu hizo zikishindana mkiani, Manchester City leo itakuwa nyumbani kuialika Manchester United huku kila upande ukijinasibu kushinda mchezo huo.
Makocha wa Pande zote, Roberto Mancini wa Manchester City na Alex Ferguson wa Man United wamekuwa na presha kila mmoja akitamani kushinda mchezo huo.
Mbali na mechi hiyo ya leo, mechi za mwishoni mwa wiki, Everton iliilaza 4-0 Fulham wakati Stoke ikiwa nyumbani, iliivimbia Arsenal na kutoka nayo sare ya 1-1 na Sunderland ilitoka 2-2 na Bolton.
 Swansea ilifungana 4-4 na Wolves huku West Brom na Aston Villa zikishindwa kufungana kabla ya Wigan kuibuka na ushindi wa mabao 4-0 dhidi ya Newcastle.
Chelsea iliikamua QPR mabao 6-1 na Tottenham iliilaza Blackburn mabao 2-0 katika mchezo mkali.

Africa Confederation Cup results

Mfungaji wa bao la tatu dhidi ya Shandi, Emmanuel Okwi 

27-29/04/12: Asec Mimosas (Ivory Coast) 1-1 CO Meknes
11-13/5/12: CO Meknes (Morocco) v Asec Mimosas
27-29/04/12: Warri Wolves (Nigeria) 3-1 Black Leopards
11-13/5/12: Black Leopards (South Africa) v Warri Wolves
27-29/04/12: Royal Leopards (Swaziland) 0-1 Club Africain
11-13/5/12: Club Africain (Tunisia) v Royal Leopards
27-29/04/12: Simba (Tanzania) 3-0 Al Ahly Shandy
11-13/5/12: Al Ahly Shandy (Sudan) v Simba
27-29/04/12: Heartland (Nigeria) 3-2 AC Leopards
11-13/5/12: AC Leopards (Congo Brazzaville) v Heartland
27-29/04/12: Enppi (Egypt) 3-1 CO Bamako
11-13/5/12: CO Bamako (Mali) v Enppi
27-29/04/12: Wydad Casablanca (Morocco) v AS Real de Bamako
11-13/5/12: AS Real de Bamako (Mali) v Wydad Casablanca (Morocco)
27-29/04/12: InterClube (Angola) 4-1 Al Amal Otbara
11-13/5/12: Al Amal Otbara (Sudan) v InterClube

Chelsea yaitibulia Arsenal, zatoka suluhu Emirates

ARSENAL imeshindwa kutumia Uwanja wake wa nyumbani, Emirates baada ya kutoka suluhu ya bila kufungana na Chelsea katika mechi ambayo walistahili ushindi kama siyo kupoteza nafasi za wazi za kufunga kulinganisha na wapinzani wao.
Vijana wa Chelsea walikuwa na sura mpya nane tofauti na kile kilichocheza kwenye ushindi wa bao 1-0 dhidi ya Barcelona katikati ya wiki iliyopita kwenye Uwanja wa Stamford Bridge.
Mbali na mchezo huo, matokeo mengine, Aston Villa imetoka suluhu na Sunderland wakati Blackburn iliilaza 2-0 Norwich.
Bolton na Swansea zilifungana bao 1-1 na Fulham ikaitandika 2-1 Wigan kabla ya
Newcastle kuirarua Stoke 3-0.
Dakika 45 za kwanza, Robin van Persie alikaribia kufunga kama siyo shuti lake kugonga mwamba, huku mpira wa kichwa wa Laurent Koscielny nao uligonga mwamba.
Van Persie alikosa nafasi zingine mbili nzuri za kufunga mwishoni mwa mchezo, huku Koscielny akicheza vizuri kuokoa hatari toka Daniel Sturridge.
Timu hizo zenye kawaida ya kucheza mechi yenye 'taaluma' ya kuvutia kila zinapokutana kwa miaka mingi,  mechi yao ya jana ilikosa mvuto na huenda ikasahaulika mapema.
Lakini itabaki kuwa changamoto kwa timu zote katika mbio za kusaka nafasi ya kucheza Ligi ya Mabingwa Ulaya msimu ujao.
Arsenal inabaki nafasi ya tatu huku mechi tatu zikisalia, lakini Tottenham na Newcastle wako nyuma kwa pointi sita na michezo miwili mkononi.
Timu hizo mbili, ziko mbele ya Chelsea na mchezo mmoja mkononi ikiwa na maana kwamba, nafasi yao ya kucheza michuano ya Ligi ya Mabingwa itategemea wao kushinda taji hilo.

Congo organizes VCP for future stars

 A FIVB Grassroots Volleyball Cooperation Programme was held in Kinshasa, DR Congo from April 4 to April 7 with FIVB instructor Michel Vandermeulen of Belgium leading the course.

Thirty-seven participants learnt training methods and practice drills across the four-day event.

Shakob Woot, general secretary of the DR Congo Volleyball Federation was satisfied with the interest and the motivation shown from a new generation of players in the country, who proved that interest in the sport is not waning.

 

KAMATI YA NIDHAMU YATUPA RUFANI YA YANGA

Mechi iliyozua balaa kwa Yanga msimu huu.

Kamati ya Nidhamu ya Shirikisho la Mpira wa Miguu Tanzania (TFF) iliyokutana jana (Aprili 17 mwaka huu) imetupa rufani ya Yanga iliyowasilishwa mbele yake kupinga uamuzi wa kupokwa pointi tatu kwa kumchezesha mchezaji asiyestahili.

Aprili 2 mwaka huu Kamati ya Ligi ya TFF iliipa Coastal Union ushindi wa pointi tatu na mabao matatu baada ya Yanga kumchezesha beki Nadir Haroub ‘Cannavaro’ kwenye mechi ya Ligi Kuu ya Vodacom (VPL) kati ya timu hizo iliyofanyika Machi 31 mwaka huu wakati akiwa na adhabu ya kukosa mechi tatu.

Yanga katika rufani hiyo iliwasilisha sababu nane za kupinga kupokwa pointi hizo, kubwa zikiwa Cannavaro hakustahili kutumikia adhabu ya kukosa mechi tatu, si aliyempiga refa Israel Nkongo, ripoti za refa na kamishna wa mechi yao dhidi ya Azam zilionesha dalili ya njama (conspiracy) kwani zilifanana.

Pia Cannavaro alikuwa miongoni mwa wachezaji ambao adhabu zao zilisimamishwa na Mwenyekiti wa Kamati ya Nidhamu, Kamishna mstaafu wa Polisi, Alfred Tibaigana.

Katika uamuzi wake, Kamati imesema adhabu ya Cannavaro ya kukosa mechi tatu kwa mujibu wa Kanuni ya 25(c) ya Ligi Kuu ya Vodacom ilitolewa na refa na si Kamati ya Ligi kama ambavyo inalalamikiwa na Yanga, na kanuni hiyo haikatiwi rufani.

Pia barua ambayo TFF iliiandikia Yanga kuhusu adhabu ya mchezaji huyo ilikuwa wazi kwani ilikariri kanuni ya 25(c), hivyo kitendo cha klabu hiyo kumtumia mchezaji huyo ulikuwa ni uzembe wa kutoheshimu kanuni. Kama Yanga haikufahamu vizuri kanuni hiyo ilikuwa na fursa ya kuiandikia TFF kwa mujibu wa Kanuni ya 25(f) ili kupata ufafanuzi kabla ya kuamua kumtumia mchezaji huyo.

Vilevile adhabu zilizokuwa zimesimamishwa na Mwenyekiti wa Kamati ya Nidhamu ni zile ambazo zilikuwa zimetolewa na Kamati ya Ligi, na si zile zilizotolewa uwanjani na refa.

Kuhusu madai ya conspiracy kwa ripoti za kamishna wa mchezo huo na refa, Kamati imebaini kuwa hazifanani, na suala lililokuwa likibishaniwa (contentious issue) lilikuwa ni kunyang’anywa pointi tatu.

Pia Kamati ilikariri Ibara ya 50 ya Kanuni za Nidhamu za Shirikisho la Kimataifa la Mpira wa Miguu (FIFA) kuwa mchezaji anayembughudhi refa kwa njia yoyote ile anastahili kufungiwa kwa angalau mechi sita.

 

Powered by Sorecson : Creation de site internet

Boniface Wambura

Ofisa Habari

Shirikisho la Mpira wa Miguu Tanzania (TFF)

Matokeo ya Ligi Kuu ya England leo

LONDON, England
Chelsea imeibuka na ushindi wa mabao 2-1 dhidi ya Wigan mchezo uliofanyika kwenye Uwanja wa Stanford Bridge kwa mabao ya Ivanovic na Diame waliofunga katika kila kipindi.
Kwa ushindi huo, matokeo hayo yanaifanya Chelsea kufikisha pointi 56
Nayo Sunderland ilitoshana nguvu na Tottenham wakati Bolton ikiwa nyumbani ilitandikwa mabao 3-0 na Fulham katika mchezo uliokuwa wa ushindani.
Mchezo mwingine uliikutanisha Liverpool inayochechemea kwa sare ya 1-1 na Aston Villa huku West Brom ikiibandua mabao 3-0 Blackburn, Norwich na Everton zenyewe zilitoka sare ya kufungana mabao 2-2.

Barcelona, Bayern Munich nusu fainali Ulaya

Robinho akilimwa kadi.

BARCELONA na Bayern Munich zimetanguliwa nusu fainali ya Ligi ya Mabingwa Ulaya baada ya kufanya vizuri katika mechi zao za marudiano.
Katika mechi hizo, mabao mawili ya Lionel Messi na moja la Iniesta yameiwezesha timu hiyo kufikia hatua hiyo na kuifanya timu hiyo kufuzu kw ajumla ya mabao 3-1 dhidi ya AC Milan kwenye Uwanja wa Camp Nou.
Washindi walipata bao la kwanza dakika ya 11 kwa mkwaju wa penalti uliofungwa  na Messi baada ya beki wa AC Milan, Luca Antonini kumwangusha ndani ya eneo la hatari na mwamuzi kuamuru penalti na Messi hakufanya makosa..
Milan ilijibu dakika ya 31, Zlatan Ibrahimovic alipata mpira na kumpa pande, Antonio Nocerino ambaye naye alimlamba chenga, Javier Mascherano kabla ya kumtungua Victor Valdes ikiwa ni bao lake la 10 la msimu huu.
Katika dakika ya 41, Alessandro Nesta alimvuta jezi Sergio Busquets ndani ya eneo la hatari. Alionyeshwa kadi ya manjano na mwamuzi kabla ya Messi kuiingiza penalti kimiani penalti hiyo kuandika bao la pili.
Bao la tatu lilifungwa na Andres Iniesta aliyemalizia mpira uliopigwa na Messi na kumgonga, Philippe Mexes, kabla ya kumkuta Andres Iniesta ambaye naye hakufanya ajizi.
Kwenye Uwanja wa Allianz Arena, Bayern Munich imefuzu kwa kuitoa Marseille ya Ufaransa kwa jumla ya mabao 4-0.
Ivica Olic alifunga mabao mawili, dakika ya 13 na 37 na kuifanya timu hiyo kusonga mbele katika nusu fainali. Mchezo wa kwanza ilishinda mabao 2-0.

Man United yalipa kisasi kwa Blackburn

Valencia baada ya kufumania nyavu

MABAO ya Antonio Valencia na Ashley Young yameiwezesha Manchester United kuibuka na ushindi wa mabao 2-0 dhidi ya Blackburn na kuifanya timu hiyo kuwa mbele kwa pointi tano dhidi Man City.

Huku kila mmoja akiwa na mechi saba mkononi, United inaoyesha ni wazi imepania kutwaa taji la 20 msimu huu na Manchester City.

“Nina uzoefu na haya mambo, haijaslishi hata ukiwa mbele kwa pointi,” Ferguson alisema ambaye timu yake ililala mabao 3-2 katika mchezo wa kwanza uliopigwa Old Trafford.

Valencia aliambaa na mpira kutoka wingi ya kulia na kuachia shuti lililomshinda kipa Paul Robinson katika dakika ya 81. Young alifanya mambo dakika ya 86 kw akuandika bao la pili.
“Ilikuwa kazi kubwa. Tulipata upinzani mkali,” Ferguson alisema. “Kwa kipindi kiregu hatukutengeneza nafasi nyingi za kufunga. Huu ni ushindi muhimu.”

Blackburn, sasa iko katika eneo la kushuka daraja huku kocha wake, Steve Kean ambaye tangu mwanzo alijaza viungo watano katikati  waliokuwa wakipandisha mfululizo mashambulizi.

MASHABIKI 11,056 WASHUHUDIA COASTAL, YANGA



Kikosi cha Yanga

MASHABIKI 11,056 ndiyo waliokata tiketi kushuhudia pambano la Ligi Kuu ya Vodacom (VPL) kati ya Coastal Union na Yanga lililochezwa (Machi 31 mwaka huu) kwenye Uwanja wa Mkwakwani, jijini Tanga.

Viingilio katika pambano hilo vilikuwa sh. 10,000 kwa VIP, sh. 6,000 jukwaa kuu na sh. 4,000 mzunguko. Mapato yaliyopatikana kwenye pambano hilo ni sh. 61,494,000.

Baada ya kuondoa gharama za awali za mchezo na asilimia 18 ya Kodi ya Ongezeko la Thamani (VAT) kila timu ilipata sh. 14,664,927.80 uwanja sh. 4,630,335.93 na Chama cha Mpira wa Miguu Mkoa wa Tanga (DRFA) sh. 2,515,494.37.

Shirikisho la Mpira wa Miguu Tanzania (TFF) sh. 4,630,335.93, Mfuko wa Maendeleo ya Mpira wa Miguu (FDF) sh. 2,315,167.97 na Baraza la Michezo la Taifa (BMT) sh. 463,033.59.

Nayo mechi kati ya African Lyon na Simba iliyochezwa Machi 31 mwaka huu kwenye Uwanja wa Taifa, Dar es Salaam imeingiza sh. 29,716,000 kutokana na watazamaji 8,167 waliokata tiketi kushuhudia pambano hilo.

Baada ya kuondoa asilimia 18 ya VAT ambayo ni sh. 4,532,949.15, kila timu ilipata sh. 5,031,085.25, Uwanja sh. 1,486,465.08, TFF sh. 1,486,465.08, Chama cha Mpira wa Miguu Mkoa wa Dar es Salaam (DRFA) sh. 1,084,600.03, FDF sh. 743,232.54 na BMT sh. 148,646.51.

Wakati huo huo, pambano la Ligi Kuu ya Vodacom kati ya Azam na Ruvu Stars lililochezwa Aprili Mosi Uwanja wa Chamazi, Dar es Salaam limeingiza sh. 1,585,000.

Jumla ya watazamaji waliokata tiketi kushuhudia mechi hiyo kwa kiingilio cha sh. 1,000 mzunguko na sh. 5,000 jukwaa kuu ni 1,569.

Baada ya kuondoa gharama za awali za mchezo na asilimia 18 ya Kodi ya Ongezeko la Thamani (VAT) kila timu ilipata sh. 283,656, uwanja sh. 57,942, Chama cha Mpira wa Miguu Mkoa wa Dar es Salaam (DRFA) sh. 117,306.08, TFF sh. 57,942, Mfuko wa Maendeleo ya Mpira wa Miguu (FDF) sh. 28,971 na Baraza la Michezo la Taifa (BMT) sh. 5,794.02.

TENGA AKATAA KUJIUZULU KWA MOHAMED

Leodegar Tenga

Rais wa Shirikisho la Mpira wa Miguu Tanzania (TFF) Leodegar Tenga amekataa barua ya kuomba kujiuzulu ya Makamu Mwenyekiti wa Kamati ya Ligi ya TFF, Said Mohamed.

Mohamed ambaye ni Mwenyekiti wa klabu ya Azam alimuandikia Rais Tenga barua ya kujiuzulu wadhifa huo akipinga kauli ya Mwenyekiti wa Kamati ya Nidhamu ya TFF, Alfred Tibaigana juu ya adhabu zilizotolewa na Kamati ya Ligi kwa baadhi ya wachezaji wa Yanga.

Rais Tenga amesema alimteua Mohamed katika Kamati hiyo kwa kuzingatia uadilifu wake na uwezo wake katika kuongoza, hivyo amekataa barua hiyo ya kuomba kujiuzulu.

Kwa mujibu wa mamlaka aliyopewa na Mkutano Mkuu wa TFF, Rais Tenga, Oktoba 28 mwaka jana aliunda Kamati ya Ligi ambayo wajumbe wake wanatoka kwenye klabu za Ligi Kuu ya Vodacom na Ligi Daraja la Kwanza.

Wajumbe wa kamati hiyo ni Wallace Karia (Mwenyekiti), Said Mohamed (Makamu Mwenyekiti), Damas Ndumbaro, Steven Mnguto, Geoffrey Nyange, Seif Ahmed, Henry Kabera, ACP Ahmed Msangi, Meja Charles Mbuge na Ahmed Yahya.

MATOKEO LIGI KUU YA ENGLAND LEO

Arsenal v QPR

ARSENAL imeshindwa kutamba mbele ya QPR baada ya kuchapwa mabao 2-1 katika mechi ya Ligi Kuu ya England na kuipunguza kasi ya timu hiyo kushinda mechi mfululizo.
Arsenal ambayo imezifunga timu mfululizo ikiwemo Tottenham na Newcastle, ilishindwa kabisa kuonyesha cheche mbele ya timu hiyo inayokabiliwa na balaa la kushuka daraja.
Alikuwa Samba Diakite aliyefunga bao la ushindi kwa timu yake.
Bao la kwanza la timu hiyo lilifungwa na Adel Taarabt baada ya kumpita Thomas Vermaelen kabla ya  Theo Walcott kuifungia Arsenal bao la kufutia machozi na lililokuwa la kusawazisha.
Nayo Chelsea iliibandua Aston Villa 4-2 na kuifanya timu hiyo kufikisha pointi 53 kwa mabao ya Daniel Sturridge na Branislav Ivanovic waliofunga mawili kila mmoja.
Mabao ya wenyeji yalifungwa na James Collins na Eric Lichaj.
Matokeo mengine, Wolves ikiwa nyumbani ilishindwa kutamba na kulazwa mabao 3-2 na Bolton wakati Everton ilishinda mabao 2-0 dhidi ya West Brom sawa na Wigan ilipoilaza Stoke mabao 2-0. Mchezo mwingine wa ligi hiyo, Fulham iliichapa 2-1 Norwich.
  

Heineken event speech by Koen Morshuis, General Manager, Heineken EA

Mheshimiwa waziri wa ofisi ya Raisi, Utawala Bora,

Ndugu Mathias Chikawe,

Wageni waalikwa,

Mabibi na mabwana.

Habari za jioni?

Ninayo furaha ya kuwa ndani ya Jamhuri ya Muungano wa Tanzania.
On behalf of Heineken, I am delighted to be here with you this evening for
this very special occasion. Your presence here today demonstrates the
significant importance that you accord this special event, which pleases
and humbles us deeply. On behalf of the Heineken East Africa team, I thank
you for that.

Before we start on the actual reason for being here, please allow me to
share some highlights that make this occasion very special.

The UEFA Champions League is the most popular club football competition in
the world. UEFA created the UEFA Champions League back in 1992 from what
was previously known as the European Champions Clubs Cup, which dates back
to 1955. Twenty years later, it has a cumulative audience of 4.3 billion, a
global live audience of 1.1 billion, 55,000 hours of total coverage, 12,000
hours of live coverage, and distribution in 220 territories around the
world. The current Trophy has been an icon for many football fans since its
first introduction in 1967.

Its unique shape and size make it one of the most recognizable icons of the
UEFA Champions League, and the act of lifting it represents having won the
ultimate club football prize, therefore adding to its mystique and appeal
for both fans and players alike.

In May 2011, Heineken International announced that it had extended its
contract with UEFA to sponsor the UEFA Champions League for a further three
years. The 2011/12 season is the seventh consecutive year Heineken has
sponsored the prestigious UCL.

Heineken’s and UEFA’s main goal is to share the unique and memorable
experiences of the UEFA Champions League with fans all over the world, and
what better way than to be able to see the very prestigious Trophy itself
up close. Heineken is the biggest global premium beer brand, available in
almost every country in the world. Heineken originates from Amsterdam, the
Netherlands and therefore I am very delighted to have the Ambassador of the
Kingdom of the Netherlands, his Excellency Mr. Koekkoek with us at this
special moment in time, Your Excellency, thanks for being with us tonight.

As we like to say within Heineken “We were born in Amsterdam, but raised by
the world”. How great is it to be connected to the UEFA Champions League,
the biggest annual sporting event in the world !!

*The UEFA Champions League Tr**ophy Tour 2012 *presented by Heineken is a

true example of the globalization of both Heineken and the UEFA Champions
League where this year we touch ground with the actual Trophy in Mexico,
East Africa and China.

The choice of having the UEFA Champions League Trophy in Dar es Salaam at
this moment in time has of course a special reason. It s a fact that
Heineken has clearly recognized the potential of East Africa and therefore,
Heineken are currently setting up Operating Companies in Tanzania, Kenya
and Uganda. We are in the final stages of setting up our operations in
Tanzania and are recruiting a significant number of Tanzanians to support
our growth in the country.

We can say that we have experienced the warmth, ambition and dedication of
the Tanzanian people and feel welcome in your country, Asante Sana for
that….

I would also like to say a special Thank You to Mr and Mrs James
Rugemalira from
Mabibo Wines and Spirits and their team who have been the driving force
behind the success of Heineken in Tanzania over the last 17 years. We wish
you plenty of success on your renewed focus on the Windhoek and Xi brands
in Tanzania and are happy that you can share this special moment tonight
with us.

We are very excited to present the one and only UEFA CHAMPIONS LEAGUE
TROPHY. It is made of silver 925 on the outside, is gold plated on the
inside, and is engraved with the names of ALL the winners since 1956.

Now let us turn to the moment we have been waiting for: The official
unveiling of the UEFA CHAMPIONS LEAGUE TROPHY TOUR PRESENTED BY HEINEKEN.

Ndugu Mathias Chikawe, may I please invite you to come forward and
officially unveil THE ICON of the Champions of Champions……..

 

Thank You

VITA VPL YAHAMIA MORO UNITED, VILLA

Timu za Moro United na Villa Squad ambazo ziko kwenye vita ya kukwepa kushuka daraja katika Ligi Kuu ya Vodacom (VPL) zinapambana Machi 28 kwenye moja kati ya mechi mbili za siku hiyo.

Mechi hiyo namba 153 itachezwa kwenye Uwanja wa Chamazi, Dar es Salaam kuanzia saa 10 kamili. Moro United iko nafasi ya 11 ikiwa na pointi 18 wakati Villa Squad iko nafasi ya 14 kwa pointi zake 14.

Viingilio katika mechi hiyo ni sh. 1,000 kwa mzunguko na sh. 5,000 kwa jukwaa kuu. Mwamuzi atakuwa Andrew Shamba akisaidiwa na Samson Kobe na Idd Mikongoti wote wa Dar es Salaam.

Kamishna wa mechi hiyo atakuwa Arthur Mambeta wa Dar es Salaam wakati mtathmini wa waamuzi (referees assessor) ni Emmanuel Chaula kutoka mkoani Rukwa.

Mechi nyingine ya Machi 28 mwaka huu itakayochezeshwa na mwamuzi Judith Gamba wa Arusha itakuwa kati ya Ruvu Shooting itakayoikaribisha Mtibwa Sugar kwenye Uwanja wa Mabatini ulioko Mlandizi mkoani Pwani.

Gamba katika mechi hiyo namba 150 atasaidiwa na Saada Tibabimale kutoka Mwanza na Hellen Mduma wa Dar es Salaam. Mwamuzi wa akiba ni Juma Safisha wa Pwani wakati Kamishna ni Hamis Kissiwa wa Dar es Salaam.

Mechi za Machi 31 mwaka huu ni Coastal Union dhidi ya Yanga kwenye Uwanja wa Mkwakwani jijini Tanga, wakati Uwanja wa Taifa, Dar es Salaam utakuwa mwenyeji wa mechi ya African Lyon na Simba.

Kombe la UEFA hadharani Tanzania

Kombe la Ligi ya Mabingwa Ulaya, UEFA

KOMBE la Ligi ya Mabingwa Ulaya, limewekwa hadharani kwenye Hoteli ya Kilimanjaro Kempinsky na kila mmoja alipiga nalo picha kama sehemu ya ukumbusho.
Mamia ya wageni waalikwa, walipiga nalo picha katika hafla iliyokuwa imechangamka na kudhaminiwa na kampuni ya bia ya Heineken ambao ndiyo wadhamini wakubwa wa Ligi ya Mabingwa Ulaya.
Kabla ya kufunuliwa hadharani na Naibu Waziri wa Habari, Utamaduni, Vijana na Michezo, Dk. Fenella Mukangala, Kombe hilo lililokuwa linatokea Mexico na kutua nchini kupitia Kilimanjaro International Airport
Wakati Kombe lililokuwa limefunikwa kitambaa cheupe likifunuliwa, wimbo maarufu wa Ligi ya Mabingwa Ulaya ulikuwa ukipigwa na kupokewa kwa mashamsham huku fataki zikipigwa nje ya hoteli hiyo na kufanya anga za hoteli hiyo kupendeza.
Mapema, Mukangala aliwataka vijana wenye vipaji kujituma katika mazoezi waweze kusajiliwa na timu kubwa za Ulaya ili nao siku moja waweke historia kucheza Ligi ya Mabingwa Ulaya.
Fenella aliyasema hayo juzi usiku kwenye Hoteli ya Kempinsky wakati wa kulionyesha Kombe la Ulaya (Ligi ya Mabingwa) hadharani.

Moja ya mechi za Ligi ya Mabingwa, Barca vs Panathinaikos

Alisema kuwa ujio wa kombe hilo si tu kwa ajili ya kulitazama, bali ni changamoto kwa vijana wacheze mpira, kujituma ili nao wapate nafasi ya kucheza soka Ulaya na kupata tiketi ya kucheza kombe hilo.
Dk. Fenella pia alitumia nafasi hiyo kuwataka Shirikisho la Soka Tanzania, TFF, kuandaa mashindano mengi yanayofanana na Uefa hasa kwa timu za vijana ili iwe changamoto kwao.
Mbali na hayo, aliwataka wadhamini wa michuano hiyo ya Uefa Kampuni ya Bia ya Heineken kuidhamini timu ya taifa ya wanawake, Twiga Stars kwani ni moja ya timu zinazopiga hatua katika maendeleo ya soka.
"Ningependa kuwashauri Heineken kujikita zaidi katika kudhamini soka Tanzania na hasa soka ya wanawake pamoja na kuidhamini Twiga Stars na pia kuangalia maendeleo ya soka kwa vijana.
"Sisi kama serikali tuitakuwa pamoja na tunataka kuona kunakuwepo na ustawi wa soka kwa vijana ambao ndiyo msingi wa maendeleo husika," alisema Fenella ambaye aliwashukuru waandaaji wa ziara hiyo kwa kukubali kulileta kombe Tanzania.
Kombe hilo lililotokea Mexico liliingia nchini Jumamosi iliyopita na linaondoka  Jumatano kwenda Kenya na baadaye kuendelea na ziada yake nchini China.
Meneja wa Heineken Afrika Mashariki, Koen Morshuis alisema kuwa Tanzania imeteuliwa kama nchi ya kwanza Afrika kufikiwa na kombe hilo kwa kuwa ina mashabiki wengi wanaofuatilia michuano ya Uefa ikifutiwa na Kenya.
mwisho

Manchester United yaipiga Fulham 1-0



MSHAMBULIAJI Wayne Rooney amefunga bao la 29 la Ligi Kuu ya England lililoiwezesha Manchester United kuendelea kuongoza mbele ya mpinzani wake City kwa kufikisha pointi 73.

Rooney aliunganisha mpira wa Jonny Evans kwa kuukwamisha mpira wavuni mwa Fulham katika mechi hiyo iliyokuwa ya upinzani.

Ashley Young alikosa nafasi nyingi za wazi ambazo zingeisaidia United  kupata mabao zaidi lakini hata hivyo, kipa wa Fulham, Mark Schwarzer alikuwa kikwazo.
Hata hivyo, Fulham ilinyimwa openalti ya wazi baada ya Michael Carrick kumwangusha Danny Murphy ndani ya eneo la hatari lakini mwamuzi akapeta.

SAHIHISHO, LIGI KUU YA ENGLAND

Juzi Jumamosi tulichapisha kimakosa pointi za Arsenal za Ligi Kuu ya England kuwa imefikisha pointi 61. Usahihi ni kwamba Arsenal ina pointi 58 na si 61. Mambo mengine yanabaki kama yalivyo. Angalia msimamo baada ya mechi za mwishoni mwa wiki ukiacha ile ya leo ya Man. United na Fulham.. NAOMBA RADHI KWA USUMBUFU HUU. Mhariri.
1	Man City	30	50	70
2	Man Utd	29	46	70
3	Arsenal	30	22	58
4	Tottenham	30	18	55
5	Chelsea	30	15	50
6	Newcastle	30	2	50
7	Liverpool	30	5	42
8	Sunderland	30	5	40
9	Everton	30	-2	40
10	Swansea	30	-2	39
11	Norwich	30	-6	39
12	Stoke	30	-12	38
13	Fulham	29	-3	36
14	West Brom	30	-5	36
15	Aston Villa	29	-7	33
16	Blackburn	30	-19	28
17	Bolton	29	-25	26
18	QPR	30	-20	25
19	Wigan	30	-28	25
20	Wolves	30	-34	22

Zawadi Copa Coca-Cola zawekwa hadharani

Moja ya mechi za Copa Coca-Cola mwaka jana

Kampuni ya vinywaji baridi ya Coca-Cola imeongeza zawadi za washindi wa michuano ya vijana ya Copa Coca-Cola kuanzia mwaka huu kutoka shilingi milioni 4.5 hadi  milioni 8 kwa timu itakayotwaa ubingwa. Coca-Cola, ambao ndio wadhamini wa michuano hiyo pia wameanzisha  zawadi ya shilingi laki nane kwa mwamuzi bora wa michuano hiyo ambayo itahusisha mikoa yote 28 ya Tanzania Bara na Visiwani.
Akiongea wakati wa semina elekezi ya Makatibu wakuu wa vyama vya mpira wa miguu nchini iliyofanyika kwenye Uwanja wa Taifa mwishoni mwa wiki, Meneja Uhusiano na Mawasiliano wa Coca-cola Kwanza Evans Mlelwa alitangaza zawadi ya mshindi wa pili kuwa ni shilingi milioni 4.8 wakati mshindi wa tatu atapata milioni 3.2.
Zawadi ya timu yenye nidhamu ni  shilingi milioni 1.6 badala ya  milioni moja za awali,  huku mchezaji bora, mfugaji bora na  mlinda mlango bora watazawadiwa shilingi laki nane kila mmoja badala ya laki tano za   ya awali kwa kila mmoja.
Huu ni mwaka wa sita mfululizo Coca-Cola kudhamini michuano hiyo ambayo huanzia ngazi ya wilaya mpaka Kitaifa ikiwa na lengo la kutafuta na kuendeleza vipaji vya mpira wa miguu hapa nchini Tanzania. Mlelwa alisema kampuni ya Coca-Cola imejisatiti kuendelea kufanya kazi kwa karibu na Shirikisho la Mpira wa Miguu Tanzania (TFF) pamoja na Wizara ya Habari, Vijana, Utamanduni na Michezo ili kuleta maendeleo katika soka la Tanzania.
Semina elekezi hiyo iliwakutanisha pamoja Makatibu Wakuu wa Vyama vyote vya Soka nchini pamoja na watendaji wa soka la vijana kutoka Tanzania Bara na Visiwani.
Akiongea wakati wa ufunguzi wa semina hiyo, Mkurungenzi Mtendaji wa Michezo katika Wizara ya Habari, Vijana, Utamanduni na Michezo, Leonard Thadeo, aliwapa changamoto makatibu wakuu hao kuhakikisha soka katika mikoa yao inapanda. ‘Fedha tunayopata kutoka Coca-Cola ni muhimu sana, tunatakiwa kuweka juhudi zetu hili kufanikisha ndoto zetu’, alisema Thadeo.
Usajili wa wachezaji wa Copa Coca-Cola unaendelea nchini nzima huku michuano ngazi ya wilaya ikitarajiwa kuanza Aprili mwaka huu na kumalizika Mei 5. Kulingana na TFF, mechi za Copa Coca-Cola ngazi ya Mkoa zitaanza kutimua vumbi kati ya  Mei 16 na Mei 25 huku michuano ya Kitaifa ikitarajiwa kufanyika kuanziaa  Juni hadi  Julai jijini katika miji ya  Dar es Salaam na Pwani.

Wachezaji wa ES Setif wakiwa hawaamini kilichotokea

Samuel Sitta, Fedrick Sumaye, Said El Maamry na Zito Kabwe wakati wa mpambano wa Kombe la Shirikisho kati ya Simba na ES Setif kwenye Uwanja wa Taifa, Dar es Salaam. Simba ilishinda mabao 2-0.

Saa chache kabla ya waarabu wa ES Setif kutandikwa mabao 2-0 na Simba.

Simba sasa yahitaji sare au ushindi Algeria

Simba wakishangilia bao la kwanza dhidi ya ES Setif

WAWAKILISHI wa Tanzania katika michuano ya Kombe la Shirikisho, Simba Sports Club, inahitaji sare ama ushindi iweze kuingia hatua ya makundi ya Michuano ya Kombe la Shirikisho Afrika baadaye Aprili.
Simba iliilaza ES Setif ya Algeria katika mchezo mkali uliofanyika kwenye Uwanja wa Taifa na kuhudhuriwa na mashabiki 41,050 licha ya mpambano huo kuonyeshwa live na Clouds TV.
Mabao ya Simba ambayo yamewekwa kimiani na Emmanuel Okwi na Haruna Moshi 'Boban' yataisaidia kwa kiasi kikubwa kuweka uhai kwa timu hiyo ambayo pia haitakiwi kwenda Algiers kwa kujiamini.
Ili kuitoa Simba, inatakiwa kuipiga mabao 3-0 kitu ambacho kwa timu za Waarabu kinawezekana. Kikubwa sasa Simba wajiandae kwa kila aina ya hila za waarabu kwani watafanya kila aina ya kile kinachowezekana kushinda mchezo huo.
Lakini Simba si timu ya kubahatisha, Simba si wageni wa waarabu na tunaamini wanatambua mbinu zao na wanatakiwa kujipanga mapema na wakitaka kuwamaliza ni kusaka bao la mapema.

Mukubwa kuzindua Utukufu wa Mungu Pasaka

Solomon Mukubwa

MWIMBAJI nguli kutoka Kenya, Solomon Mukubwa, anatarajia kuzindua albamu yake mpya ya nne ya Utukufu wa Mungu katika tamasha la muziki wa Injili la Pasaka litakalofanyika Sikukuu ya Pasaka Aprili 8 mwaka huu kwenye Uwanja wa Taifa, Dar es Salaam.

Mwenyekiti wa Kamati ya Maandalizi ya tamasha hilo, Alex Msama ambaye ni Mkurugenzi wa Msama Promotions, alisema Dar es Salaam jana kuwa Mukubwa ameahidi kufanya mambo makubwa atakapotumbuiza.

Msama alisema mwimbaji huyo wa nyimbo za kumsifu Mungu mwenye ulemavu wa mkono mmoja, hivi sasa anatamba na albamu hiyo anayoamini itamng'arisha katika tamasha hilo.

Kabla ya Utukufu wa Mungu, Mukubwa amewahi kutamba na albamu ya Usikate Tamaa yenye nyimbo za Usikate Tamaa, Mungu Wangu Nitetee, Niko na Yesu, Mke Si Nguo, Moyo Tukuza Bwana, Chunga Ahadi Yako na Yesu Jina Zuri.

Mukubwa kutoka Jamhuri ya Kidemokrasia ya Congo (DRC), anayeishi Kenya, pia amewahi kutoa albamu mbili ambazo ni Sijaona Rafiki na Mungu Mwenye Nguvu.

Sijaona Rafiki Kama Yesu ambayo ni albamu yake ya kwanza ina nyimbo za Uwe Nami Bwana, Sijaona Rafiki Kama Yesu, Nitayainua Macho, Matendo ya Mungu, Bwana Wastahili na Yesu Kimbilio.

Albamu yake ya pili ya Mungu Mwenye Nguvu ina nyimbo za Mungu Mwenye Nguvu, Mkono wa Bwana, Mfalme wa Amani, Siku Moja, Tabia Ina Dawa na Roho Yangu Ikuimbie.

Mbali na Mukubwa, wengine waliothibitisha kushiriki tamasha hilo litakalofanyika Sikukuu ya Pasaka ni Rose Muhando, Rebecca Malope, Anastazia Mukabwa, Upendo Nkone, Upendo Kilahiro, Christina Shusho, Atosha Kissava, Mwinjilisti Faraja Ntaboba, Ephraim Sekeleti, Maryanne Tutuma, kundi la Glorious Celebration na kwaya ya Kinondoni Revival.

Msama alisema baada ya waimbaji hao kutikisa Uwanja wa Taifa, mashambulizi mengine yatahamia kwenye Uwanja wa Jamhuri, Dodoma Aprili 9 mwaka huu.

Tamasha la mwaka huu malengo yake makubwa ni kuchangisha fedha kwa ajili ya kuwasomesha watoto yatima na kuwasaidia mitaji wanawake wajane.

Kiingilio katika tamasha hilo kimetengwa katika kategoria tatu na kitakuwa sh. 2,000 kwa watoto, sh. 5,000 kwa viti vya kawaida na viti maalumu sh. 10,000.

Daktari wa Villa Squad aaga dunia

ALIYEKUA Daktari mkuu wa timu ya soka ya Villa Squad Fc ‘Kambimoto’ Nassoro Mahmoud amefariki dunia alfajiri ya kuamkia jana alipokua amelazwa Hospitali ya Taifa Muhimbili kufuatia kusumbuliwa na maradhi ya muda mrefu na kutarajiwa kuzikwa jioni ya leo kijijini kwake Mbwewe,Tanga.

Katika taarifa iliyotolewa kwa vyombo vya habari jana na Ofisa Habari wa Villa, Andrew Chale alisema kua Dkt Nassoro alikua akisumbuliwa ugonjwa kwa muda mrefu ikiwemo kifua na kupewa mapumziko na timu yake takribani miezi miwili iliyopita mpaka alfajiri ya jana alipopatwa na umauti.

“Villa tumeupokea msiba huu mzito wa daktari wa timu ambaye alikua muhimiri kwa Villa ni majonzi makubwa kwa kipindi hichi tutaendelea kumuezi daima na kukumbuka mchango wake” Alisema Chale kwenye taarifa hiyo.

Mwenyekiti wa Villa, Alhaji Ramadhan Uledi, alisema habari za kifo hicho kimemshtua sana kwani kimekuja wakati mgumu kwa timu hiyo ambayo kwa sasa ipo chini kwenye msimamo wa ligi hivyo kuendelea kuwaumiza na majonzi makubwa.

Daktari Nassoro alikuwa akitambuliwa na shirikisho la soka TFF na chama cha madaktari wa michezo Tasma kwa nyadhifa yake hiyo ya Udaktari wa timu na alikua akishirikiana na madaktari wenzake wa timu nyingine ikiwemo kutoa ushahuri wa kitiba.

Mwisho

MTIHANI WA MAWAKALA WA WACHEZAJI

Mtihani kwa kwa ajili ya watu wanaotaka kuwa mawakala wa wachezaji na mechi wanaotambuliwa na Shirikisho la Kimataifa la Mpira wa Miguu (FIFA) utafanyika Machi 31 mwaka huu saa 4 kamili asubuhi ofisi za Shirikisho la Mpira wa Miguu Tanzania (FIFA).

Kwa wanaotaka uwakala huo wanatakiwa kujisajili ambapo watapewa kanuni mbalimbali za FIFA na TFF ili waweze kujiandaa kikamilifu kwa mtihani huo utakaokuwa na sehemu mbili. Sehemu ya kwanza ya mtihani huo ni maswali kutoka FIFA wakati nyingine ni kutoka TFF.

Powered by Sorecson : Creation de site internet

Boniface Wambura

Ofisa Habari

Shirikisho la Mpira wa Miguu Tanzania (TFF)

Sitta: Viongozi wabovu wameua michezo

WAZIRI wa Ushirikiano wa Afrika Mashariki, Samuel Sitta amesema viongozi wanaoingia madarakani kwa mgongo wa rushwa, kutumia miti shamba na wenye mlengo fulani, ndiyo walioifikisha michezo hapa ilipo.

Samuel Sitta

Sitta aliyasema hayo leo alipokuwa akizngumza na wanahabari kutoka vyombo mbalimbali katika Bonanza la Waandishi wa habari, lililofanyika kwenye ufukwe wa Msasani na kuandaliwa na Chama cha Waandishi wa Habari za Michezo, TASWA.
Katika hafla hiyo iliyohudhuriwa na waandishi wa habari wa vyombo mbalimbali na kuandamana na michezo, Sitta alisema Tanzania imekuwa nyuma katika kila mchezo na hiyo ni kutokana na kuwa na viongozi wasiokuwa na dira.
"Tuko nyuma sana, katika soka hali ni mbaya, riadha kidoogo, lakini ngumi, kikapu na mwaka jana nilikuwa mgeni rasmi pale Uwanja wa Ndani wa Taifa katika fainali, ikawa mbaya, haiwezekani Watanania mil45 tukose watu wenye vipaji.
"Haiwezekani vinchi vidogo kama Afrika ya Kati, Chad waibuke na kuonekana zinatisha kuliko sisi, sasa ninyi waandishi wapasheni, msiwe watu wa kutupaka mafuta.
"Wamulikeni viongozi wasiowajibika, hawa ndiyo hao walioingia kwa mipango na wameingia kwenye vyama vya michezo kwa kutarajia vitu fulani na ndiyo hao wanatumia rushwa, fedha na mambo mengine ali mradi waingie madarakani na matokeo yake michezo imepoteza mwelekeo.
"Tunachotaka ni kuona michezo inapiga hatua na zaidi kuwekeza katika michezo na kama kutakuwa na viongozi wabinafsi, kamwe michezo haiwezi kusonga mbele," alisema.
Awali, Mwenyekiti wa TASWA, Juma Pinto, aliomba serikali kwa kushirikiana na TFF kukubalia siku moja kuwa mwenyeji wa Fainali za Afrika.
"Tunafahamu kuwa ni ghali, kuna mambo mengi, lakini ikijipanga, Tanzania inaweza kuwa mwenyeji siku moja kwani fainali za Afrika zitasaidia kutangaza nchi na tunaweza kutumia fainali hizo kwa kutangaza utalii wetu," alisema Pinto.

Soma zaidi www.mwananchi.co.tz

Matokeo Ligi Kuu ya England leo

LONDON, EnglandARSENAL imeendelea kufanya kweli katika Ligi Kuu ya England baada ya kuibandua Aston Villa mabao 3-0 katika mechi ya Ligi Kuu iliyopigwa kwenye Uwanja wa Emirates.

Arsenal wakishangilia

Mabao ya Kieran Gibbs, Theo Walcott na Mikel Arteta yanaifanya Arsenal kufikisha pointi 61 mbele ya Man United na Man City zinazoongoza ligi hiyo. Man United ambayo kesho inacheza na Fulham ina pointi 70 wakati City iliyokuwa ugenini jana usiku ilikuwa inacheza na Stoke City.
Ushindi na uhakika wa kuendelea kushikilia nafasi ya tatu ulichangiwa pia na suluhu ya Chelsea dhidi ya Tottenham ambazo ziko nafasi ya nne na tano. Chelsea sasa ina pointi 56 wakati Totts wamefikisha pointi 55.
Nayo Liverpool ikiwa kwenye uwanja wake wa Anfield, imeendelea kuwa nyanya baada ya kutandikwa mabao 2-1 na Wigan katika mechi iliyokuwa ya ushindani.
 Shaun Maloney alikuwa wa kwanza kufunga kabla ya Luis Suarez kusawazisha dakika ya 46. Gary Caldwell alimaliza nguvu za Liverpool kwa kuandika bao la pili.
Bolton ilipata faraja ya kumkosa Fabrice Muamba kwa kuilaza 2-1 Blackburn sawa na Norwich ilivyoitungua Wolves huku Sunderland ikiizabua 3-1 QPR. Swansea iliyokuwa nyumbani ilifungwa mabao 2-0 na Everton.

Wachu: I choose volleyball over football and athletics

It was a crucial moment when the Kenyan National team setter Jane Wachu shifted to volleyball while she was involved before in other sports like football and Athletics but at that time she didn’t realize that she will be one of the pillars of the Kenyan volleyball National team years later and she will be the African champion at both club and national team levels.

Wachu (1) with her coleagues in training.

When Wachu was 8 she became famous for her sprinting ability while she was a student in the primary school. At that age she was much faster than her colleagues and that property attracted the physical education teachers to choose her in the Athletics team to run in the sprints events.

“The teachers thought I’m talent to run in 100 and 200 m races as well as the long and high jump and I was already training for these kinds of events for years later,” remembered Wachu while she was thinking about her sports career.

What was more confusing to her is being involved also in the football team of her school and through which she was chosen also for the selected team of her region. “When I have become 16 years old I had to choose between volleyball, football and athletics and it was the crucial moment when the two coaches of the national team David Lung’aho and Paul Bitok visited me at school to choose me for the first time in the Kenyan volleyball national team. I was very happy with this news but I was confused because they told me I have to leave the other sports and concentrate only on volleyball.” Wachu Commented.

She didn’t think for a long time because she already preferred volleyball than others and she feels that it will be her future sport.

“I took my decision in few minutes and even when the Athletics coach asked me to participate in a sprint race I told him that my career in this sport is over and I have to concentrate on my main sport volleyball. Really I’ve got a lot of benefit from Athletics and football; they gave me the flexibility and the speed that I used properly in volleyball.

She started her career as an attacker in her club then her coach advised her to shift to the setter’s position as it the best to use her Athletic abilities.

When she was only 18 she had become a standing player in the Kenyan volleyball national team. In 2006 she played to the Kenya Pipeline, the club having the record of winning the African Club Championship title.

“After graduation I had a job of officer at Kenya Prisons and I decided at that time to leave Pipeline to represent Prisons where I work. It wasn’t an easy decision because Pipeline was the biggest Kenyan club and also the best in Africa but I had to start a new challenge in Prisons team in 2007.

It was only a year later when prisons won the African Club Championship in Cairo in 2008 taking over the giants Al Ahly of Egypt and Mouloudia of Algeria.

Wachu led again her club to win the African Club Championship to consecutive times in Mauritius 2010 and Kenya 2011 raising their record to three cups in four years. The last two titles were impressive because they gave the Kenyan team the berth to represent Africa at the FIVB Club World Champs in Qatar.

“Again with the National team Wachu led Kenya to retain the gold medals of the 2011 African Nations Championship to improve her CV when she led the Kenyans also at the 2011 World Cup in Japan.

“Now I dream to represent my country at the World Grand Prix, it is a good chance to play a lot of matches at the world level. We are not less than any other team in the world but we had much difficult life style. We had for example to prepare for the big competitions outdoors because we don’t have a hall to train in. I had also to wake up daily at 5 am to start my work as prisons officer working for 12 hours before starting my training. Add to this I had to do my home requirements liking cooking and washing my clothes which is not the case I think for the European players.” She concluded.

VILLA, JKT KUHITIMISHA RAUNDI YA 21 MACHI 21

Villa Squad

Mzunguko wa 21 wa Ligi Kuu ya Vodacom unakamilika Machi 21 mwaka huu kwa mechi namba 147 kati ya Villa Squad na JKT Ruvu itakayochezwa Uwanja wa Chamazi, Dar es Salaam.

Machi 24 mwaka huu kutakuwa na mechi ya ligi hiyo kati ya Moro United na African Lyon. Mechi hiyo namba 149 itafanyika Uwanja wa Chamazi, Dar es Salaam.

Mechi za Machi 28 mwaka huu ni Ruvu Shooting Stars itakayocheza na Mtibwa Sugar kwenye Uwanja wa Mabatini mjini Mlandizi wakati Moro United itakuwa mwenyeji wa Villa Squad katika mechi namba 153 itakayofanyika Uwanja wa Chamazi, Dar es Salaam.

Wachezaji 25 waitwa kambini Twiga Stars

Twiga Stars mazoezini

Kocha Mkuu wa timu ya Taifa ya Wanawake (Twiga Stars), Charles Boniface Mkwasa ametaja kikosi cha wachezaji 25 kitakachoingia kambini Machi 25 mwaka huu ikiwa ni sehemu ya program yake ya maandalizi kabla ya mechi dhidi ya Ethiopia.

Wachezaji walioitwa kambini ni Amina Salum (Lord Baden Sekondari, Pwani), Asha Rashid (Mburahati Queens), Aziza Mwadini (New Generation, Zanzibar),

Esther Mayala (Street Girls, Mwanza), Evelyn Senkubo (Mburahati Queens), Fadhila Hamad (Uzuri Queens) na Fatuma Bashiri (Simba Queens).

Wengine ni Fatuma Gotagota (Mburahati Queens), Fatuma Khatib (Mburahati Queens), Fatuma Mustafa (Sayari), Fatuma Omari (Sayari), Hanifa Idd (Uzuri Queens), Maimuna Said (JKT), Mwajuma Abdallah (JKT), Mwanahamisi Omari (Mburahati Queens) na Mwanaidi Khamis (Uzuri Queens).

Mwapewa Mtumwa (Temeke), Rukia Khamis (Sayari), Semeni Abeid (Tanzanite), Siajabu Hassan (Evergreen), Tatu Salum (Makongo Sekondari), Upendo Jeremiah (Pangani, Tanga), Veneranda Mbano (Tanzanite), Zena Khamis (Mburahati Queens) na Zena Said (Uzuri Queens).

Powered by Sorecson : Creation de site internet

Boniface Wambura

Ofisa Habari

Shirikisho la Mpira wa Miguu Tanzania (TFF)

MASHABIKI, WACHEZAJI 35 ES SETIF KUWASILI MACHI 21

ES Setif wakipasha

Kikosi cha watu 35 cha timu ya ES Setif ya Algeria kinatarajiwa kuwasili nchini Machi 21  saa 12 alfajiri kwa ndege ya EgyptAir kwa ajili ya mechi ya Kombe la Shirikisho dhidi ya Simba itakayochezwa Machi 25 mwaka huu kwenye Uwanja wa Taifa, Dar es Salaam.

Msafara huo una wachezaji, benchi la ufundi, viongozi wa timu, kiongozi wa msafara kutoka Shirikisho la Mpira wa Miguu la Algeria (FAF) wakati watatu ni waandishi wa habari.

Wachezaji 20 katika msafara huo ni Mohamed Benhamou, Sofiane Bengorine, Riadh Benchadi, Smain Diss, Farouk Belkaid, Khaled Gourmi, Mourad Delhoum, Said Arroussi, Mokhtar Benmoussa, Tarek Berguiga, Mohamed Aoudi na Amir Karaoui.

Wengine ni Mohamed El Amine Tiouli, Racid Ferrahi, Youcef Ghezzali, Youssef Sofiane, Mokhtar Megueni, Rachid Nadji, Abderrahmane Hachoud na Akram Djahnit. Kocha wa timu hiyo ni Alain Norbert Geiger ambaye ni raia wa Uswisi.